O Parlamento d'Hongría (en hongaro Országház, literalment a "Casa d'o País") ye o puesto a on se reune l'Asamblea Nacional d'Hongría, y un d'os edificios lechislativos mas antigos d'Europa, que constituye um notable eixemplo paisachistico d'Hongría y un destín muit popular en Budapest. Se troba en a Plaza Kossuth Lajos, en a marguin d'o Danubio. Actualment tien o títol de mayor edificio d'Hongría[1], y d'o segundo mayor parlamento d'Europa.[2]
Budapest fue constituita d'a unión de tres ciudaz en 1873 y, siet anyos dimpués, l'Asamblea Nacional publicó un concurso ta a construcción d'un edificio representativo d'o Parlamento, que fuese simbolo d'a sobirania d'a nación. A competición la ganó Imre Steindl, encara que os plans d'os atros dos concursants tamién han estato realizatos en edificios chunto a o Parlamento: un ye actualment o Museu Etnografico, y l'atro o Ministerio d'Agricultura.
A construcción d'o prochecto ganador prencipió en 1885, fendo-se a inauguración mientres o 1000º cabo d'anyo d'a fundación d'o país en 1896. L'edificio se remató en 1904. Como curiosidat, o arquitecto de l'edificio se quedó ciego antis de que iste s'hese rematato.
L'edificio tien una superficie total de 18.000 metros quadratos, con 700 salas y estudietz y 27 dentratas. En as suyas 2 fronteras simetricas se trobaban a Cambra Alta y a Cambra Baixa, actualment ye a seu de l'Asamblea Nacional con 386 deputatos. Tien una sala central con una cupula, a on s'alza a corona d'o primero rei hongaro, Sant Esteban.[3]
S'estima que d'os treballos de construcción d'a obra facioron parti amán de 1.000 personas y que s'emplegoron 40 millons de ladriellos, meyo millón de piedras preciosas y 40 kg d'oro.
Referencias
