O chaguar (d'o guaraní <chaguar, “fiera”; cientificament Panthera onca (L., 1758)) ye un mamifero placentario d'a orden Carnivora y a familia Felidae, natural d'America. Ye a sola especie d'o chenero Panthera que vive en o continent americano.
Ye un animal carnivoro y depredador que actúa como predador culminal en os ecosistemas en do ye present. Tiene costumbres solitarios y en buena cosa de a suya aria de distribución no habita so que en selvas humedas y espesas, razons por as que l'arrodeya un aura de misticismo que le fa chugar un papel destacau en a mitolochía de cuantas culturas indichenias d'America.
Descripción
O chaguar ye un felido d'aspecto prou convencional en o chenero Panthera y de feito recuerda a lo suyo parient de o Viello Mundo, o leopardo (Panthera pardus). L'aspecto corporal ye mas robusto y a cabeza mas gran que en o leopardo, con orellas mas chicas.
Tiene a piel plena de tacas en forma d'ocelo u de roseta, con picas negras enteras nomás en a cabeza, patas y coda. O fondo ye d'unas colors que van de l'amariello palla dica marrón royisco, con a tripa, peito, papo y a superficie interior d'as patas de fondo blanco.
O chaguar tiene una gran fuerza bruta, con unas mandibulas mas fuertes que os atros miembros de Panthera. Caza y puede arrocegar animals mas grans que él, y crebar os cranios y as closcaranas d'as tortugas mosicando-los.
Imáchens
Referencias
Vinclos externos
_male_Three_Brothers_River.JPG)
.jpg)
.jpg)
.jpg)
.JPG)
