O Nuclio Museolochico d'a Ciudat d'o Zucre (en portugués Núcleo Museológico da Cidade do Açúcar) ye un museu adedicato a la memoria d'o periodo dorato d'o Ciclo d'o Zucre en a isla de Madeira, evidenciando as suyas influencias culturals y artisticas. Se troba en o corazón d'o centro historico de Funchal, en a freguesía d'a Sé.
O museu fue inaugurato o 15 de chunio de 1996.
Caracteristicas
En iste nuclio museolochico s'amuestran as influencias culturals y artisticas que o periodo historico d'o Ciclo d'o Zucre (sieglos XV y XVI) deixó en a isla de Madeira.
O material expuesto en o museu incluye obchectos quitatos de excavacions arqueolochicas, feitas en 1989, a reproducción d'as casas d'o produtor y negociant flamenco, João Esmeraldo, un pan de zucre, formas d'o zucre, pinturas y esculturas flamencas, un raro conchunto de midas manuelinas, contadors, obchectos d'archent que representan o escudo d'armas d'a ciudat, piezas provenients d'Orient, entre as que figuran dos eixemplars de porcelana chinesa d'o sieglo XVII, de gran calidat tecnico-artistica. Toz istos obchectos amuestran as relacions comercials entre Madeira y a resta d'Europa.
