Northmen: A Viking Saga (títol orichinal en anglés, en aragonés Hombres d'o norte: una saga vikinga, enguerada en Aragón con o títol en castellano de Northmen. Los vikingos, en aragonés Northmen. Os vikingos) ye una cinta de l'anyo 2014 de cine d'aventuras y acción coproducida por o cine alemán, o cine suizo y lo cine sudafricano, dirichida por Claudio Fäh seguntes un guión orichinal de Matthias Bauer y Bastian Zach, con una dirección de fotografía de Lorenzo Senatore, una banda sonora orichinal de Marcus Trumpp y una producción cinematografica de Ralph S. Dietrich, Karin G. Dietrich, Daniel Höltschi, Frank Kaminski, Ulrich Stiehm, Rolf Wappenschmitt, Marco Del Bianco, Giselher Venzke y Bertha Spieker ta las productoras Elite Film Produktion AG, Jumping Horse Film GmbH y Two Oceans Production PTY Ltd.. Conta con un elenco d'o cual en fan parte, entre d'atros, actors como Tom Hopper, Ryan Kwanten, Ken Duken, Charlie Murphy, Ed Skrein, Anatole Taubman, Leo Gregory, James Norton, Darrell D'Silva, Johan Hegg u Danny Keogh.
Asbjörn ye un vikingo que ha fuyiu d'Escandinavia perseguiu por un rei despotico. Diriche un grupo de guerrers, pero en una tronada lo suyo barco naufraga en as costas d'Escocia. Los ataca a un grupo de soldaus que conducen entutada a una muller y, cuan los matan, deciden levar con éls a la muller ta demanar-ne un rescate. Bien luego desvubren que la miller ye la filla d'un rei d'Escocia y que marchaba ta fer a suya voda convenida por su pai. Lo rei ninvía a un grupo de mercenarios ta rescatar a la princesa, pero istos, que conoixen la entema que siente por éls a princesa, deciden matar-la a ella y a los vikingos y asinas eliminar a una enemiga. Os vikingos troban a un monche, que ye qui lis diz qui ye realment a muller y lis promete aduya siempre que no maltracten a la princesa. En capturar a un d'os mercenarios, descubren l'obchectivo real d'a exedición: asasinar a la princesa, y todo lo grupo fuye en busca d'uns barcos amagaus con os que planeyan de plegar en o Danelaw.
A cinta s'ambienta en o sieglo IX en Escocia y las suyas escenas se filmoron en Ciudat d'o Cabo en Sudafrica y en Alemanya.[2]
Se tracta d'una cinta que ha recibiu bella nominación a bel premio, pero no a garra d'os premios mas conoixius u destacaus.
Se veiga tamién
Referencias
Vinclos externos
