Muerte de un ciclista (títol orichinal en castellano, en aragonés Muerte d'un ciclista, enguerada en Aragón con os uyo títol orichinal) ye una cinta de cine de drama y cine negro coproducida por o cine espanyol y lo cine italiano l'anyo 1955 dirichida por Juan Antonio Bardem seguntes un guión adaptau por él mesmo basando-se en una historia de Luis Fernando de Igoa, con una dirección de fotografía d'Alfredo Fraile, una banda sonora orichinal d'Isidro B. Maiztegui, una producción cinematografica de Manuel J. Goyanes ta la productora cinematografica Suevia Films y un elenco d'actors d'o cual en fan parte, en os principals papels d'a cinta, Lucía Bosé, Alberto Closas, Otello Toso, Bruna Corra, Carlos Casaravilla, Manuel Alexandre, Fernando Sancho, Matilde Muñoz Sampedro y Rufino Inglés.
L'auto a on van María José, una choven d'a burguesía madrilenya, va en un auto con o suyo amant Juan, un choven profesor universitario, y accidentalment atropellan a un hombre que viacha en bicicleta, María José baixa de l'auto y comprueba que lo ciclista encara ye vivo, pero finalment deciden fuyir d'a escena de l'accident y ixo desencadenará la culpabilidat de Juan y una succesión d'escaicimientos dramaticos. A cinta s'ambienta en a suya espoca actual (1955) en a ciudat de Madrit, y las suyas escenas se filmoron en os Estudios Chamartín de Madrit y en bellas atras localizacions en exteriors en ixa mesma ciudat, como la ilesia de Sant Marcos u l'Hipodromo d'a Zarzuela.[2] Se tracta d'una cinta que recibió bels premios y nominacions.
Se veiga tamién
Referencias
Vinclos externos
