Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.
Iste articlo ye sobre o barrio rural zaragozano de Montanyana. Ta o lugar de Puent de Montanyana se veiga Montanyana (Ribagorza)
Montanyana ya existiba en lo sieglo XII, encara que alavez teneba muit poqueta población. En lo sieglo XIII se fusionó con Santa Isabel y o casal de Mamblas, fendo os tres part d'una sola entidat de poblamiento en o forcallo d'o río Galligo con o río Ebro y que recibió a denominación de Mamblas[2] por estar o mes gran d'o conchunto. Montanyana no figura en o fogache de 1495.
Montanyana ye un barrio rural con tradición agricola, encara que en l'actualidat destaca en a suya economía a empresa papelera Montañanesa, y a fabrica d'a multinacional BSH a on fabrica lavaderas, fornos electricos y cocinas d'inducción d'a marca Thermador entre d'atras.
A suya riqueza agricola actual s'alaceta en cautivos extensivos, pero no estió siempre asinas, ya que dica metat d'o sieglo XX, i habió un predominio d'o cautivo de ciresas, con una variedat propia conoixita como "Masto de Montanyana".
