O Ministerio de l'Interior (en castellano y oficialment, Ministerio del Interior) ye uno d'os vintidós departamentos ministerials de l'actual Gubierno d'Espanya. O suyo titular ye Fernando Grande-Marlaska[1].
Funcions
Corresponde a o Ministerio de l'Interior a propuesta y execución d'a politica d'o Gubierno d'Espanya[2]:
- En relación con l'administración cheneral d'a seguranza ciudadana.
- En materia de promoción d'as condicions ta o exercicio d'os dreitos fundamentals, especialment en relación con a libertat y seguranza personal, en os terminos establitos en a Constitución Espanyola y en as leis.
- En materia de dirección y coordinación d'as Fuerzas y Cuerpos de Seguranza de l'Estato.
- En materia de control d'as interpresas y o personal de seguranza privata.
- En l'exercicio d'as competencias, en l'ambito policial, en materia de extranchería.
- En materia d'o rechimen d'asilo, refuchio, rechimen d'apatridas y protección de desplazatos.
- En materia de l'administración y rechimen d'as garcholas.
- En as actuacions necesarias ta o desembolique d'os procesos electorals.
- En l'exercicio d'as competencias de protección civil.
- En l'administración cheneral d'a policía de trafico y d'a seguranza vial.
Antimas, o ministro de l'Interior, como titular d'o departamento, tien as siguients competencias:
- L'iniciativa, planificación, dirección e inspección de toz os servicios d'o ministroio.
- O mando superior d'as Fuerzas y Cuerpos de Seguranza de l'Estato.
- As funcions atorgatas por altras leis y normas.
Titulars
Estructura
Iste ministerio s'estructura en os siguients organos superiors[2]:
- Secretaria d'Estato de Seguranza.
- Dirección Cheneral d'a Policía.
- Dirección Cheneral d'a Guardia Civil.
- Dirección Cheneral de Relacions Internacionals y Extranchería.
- Secretaria Cheneral d'Institucions Penitenciarias.
- Dirección Cheneral d'Execución Penal y Reinserción Social.
- Sub-secretaria de l'Interior
- Secretaria Cheneral Tecnica.
- Dirección Cheneral de Politica Interior.
- Dirección Cheneral de Trafico.
- Dirección Cheneral de Protección Civil y Emerchencias.
- Dirección Cheneral d'Emparo a Victimas d'o Terrorismo.
Referencias
Vinclos externos
