Mar Roya

Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

Mar Roya لبحر الأحمر - ים סוף
Oceano u mar d'a IHO (n.º id.: 37)
Imachen por satelite d'a mar Roya
Localización administrativa
Estau	Echipto Sudán Eritrea Chibuti Somalia Israel Chordania Arabia Saudita Yemen
Cheografía
Oceano	Oceano Indico
Continents	Africa-Asia
Mars mugants	Golfo d'Adén
Accidents
• Golfos y badías	Golfo d'Aqaba y golfo de Suez (canal de Suez)
Superficie	450.000 km²
Largaria maxima	2.200 km
Amplaria maxima	335 km
Fondura meyana	500 m
Fondura max.	2.130 m
Mapa
Situación d'a mar Roya

A Mar Roya^[1] u Mar Royo (en arabe Bahr el-Ahmar) ye un golfo de l'Oceano Indico situato entre Africa y Asia. A lo sud, a mar Roya se chunta con l'oceano Indico por o estreito de Bab el-Mandeb y o golfo d'Adén. A lo norte se troba a peninsula d'o Sinai, o golfo d'Acaba y o canal de Suez (que permite a comunicación con a Mar Mediterrania). A Mar Roya tien poco mas de 1900 km de largaria, por un amplo maximo de 300 km y una fondura maxima de 2500 m, con una fondura meyana de 500 m. A superficie d'a Mar Roya ye de bels 450.000 km². Ye poblata por mas de 1.000 especies d'invertebratos, 200 especies de corals y 300 especies de tiburons.

As temperaturas d'a superficie son relativament estables, entre 21 y 25 °C. A visibilidat ye prou buena dica os 200 m de fundo pero se pueden devantar a escape aireras fuertes y as corrients se tornan riesgosas.

A creyación d'a Mar Roya se debe a la deseparación d'Africa y a Peninsula Arabica (Asia). O movimiento prencipió fa bels trenta millons d'anyos y contina hue, o que esplica a existencia d'una actividat volcanica en as partis mas fundas d'iste mar.

Os países situatos a o canto d'a Mar Roya son Echipto, Sudán, Eritrea e Chibuti en o veral africano y Israel, Chordania, Arabia Saudita y Yemen en o veral asiatico.

Bellas ciudaz en a costa d'a mar Roya son: Assab, Port Sudan, Port Safaga, Hurghada, Suez, Sharm el-Sheikh, Eilat, Acaba, Dahad, Jedda y Al-Hudaidah.

Toponimia

Os griegos deciban a esta mar Eruthra Thalassa (a "Mar Roya") y os romanos lo traducioron como Mare Erythraeum. En aragonés medieval bi ha referencias a la "Mar Roya", por eixemplo en o "Libro d'o Trasoro":

qui es departido en dos braços: "vna que mueue deues Persia, lotro que viene deues Arabia. Et sabet que en la ribera de la mar Roya es una fuent de tal natura que si los ne beuen, lego en aquel punto mudan la color de la tondidura de los carneros dentro la piel; e aquella color crexe e viene,

Referencias

1. Dawn E. Prince (ed.). The Aragonese version of Brunetto Latini's Libro del trasoro. Madison, 1995

• Datos: Q23406
• Multimedia: Red Sea / Q23406