Manuel II Paleologo, naixiu de Costantinoble, Imperio Bizantín (hue Istambul, Turquia) o 27 de chunio de 1350 y morió en o mesmo puesto o 21 de chulio de 1425, estió emperador de l'Imperio Bizantín dende 1391 dica 1425.
Encara que actuó como aliau menor y subchecto d'os otomans no podió impedir que prenesen Tesalonica en 1394, que invadisen dimpués Tesalia, Grecia y o Peloponiso y que encomenzasen o bloqueyo de Costantinoble. En 1396 fracasó a cruzata occidental antiotomana en Nicopolis y s'esperaba que os otomans prenesen Costantinoble. A invasión de Tamerlán en Asia la Chica fació que a presión otomana reblase y que Manuel II viachase ta Occident pa mirar aduya en 1400.
Encara que Manuel II consiguió recuperar Tesalonica y Morea a la tornata, no consiguió organizar a esfensa a largo plazo. En 1422 Costantinoble sufrió un primer setio a lo cual la ciudat sobrevivió, pero los turcos invadioron lo Peloponiso en 1423. Dimpués d'haber estau obligau a sinyar un humillante tractau, Manuel se retiró a un monesterio morindo en 1425.
Bibliografía
