O Libro d'os Chueces ye un libro biblico de l'Antigo Testamento y d'o Tanakh hebreu, perteneixent a lo grupo d'os libros historicos. En a Biblia catolica ye ubicato entre o Libro de Chosué y o de Rut.
Cuan s'escribió iste libro, Israel yera desorganizata de tot, as suyas institucions yeran agún sin definir y muitas potencias l'amenazaban.
Yahveh, aduyando a bels hombres y mullers, les da la suya fuerza ta reparar as cosas. Como isto ye d'a Divinidat, os chueces apareixen y desapareixen en muitas ocasions.
Degún chuez plegó a estar chefe supremo porque a suya función no yera de lograr a unidat, sino de solucionar problemas; a unificación definitiva plegó dimpués, con os Reis.
O contexto historico en que se desarrolla iste libro empecipia con a muerte de Chosué y plega dica a monarquía. En ixe tiempo o pueblo de'Israel vive en Canaán.