O laco Malawi (tamién dito laco Nyasa, laco Nyassa, laco Niasa u laco Niassa) ye un laco que se troba situato en Africa, fendo parte d'a val d'o Gran Rift y d'una serie de grans lacos situaus a lo largo d'ixa val conoixius conchuntament como Grans Lacos d'Africa. Ye administrato por Malawi (a iste país perteneixe a mayor parte d'a suya superficie), Mozambique y Tanzania.[1]
Situato a 474 metros d'altaria sobre o livel d'a mar, recibe as auguas d'o río Ruhuhu y d'atros ríos mas chicoz, y desaugua a traviés d'o río Shire, un afluent d'o río Zambeze. A suya fondura maxima ye de 706 metros, ocupando una superficie de 29.600 km², con amplaria maxima de 70 km y una longaria de 560 km. O volumen d'agua entibata ye de 8.400 km³.
En o laco se troban dos grans islas, a isla de Likoma y a isla de Chizumulu, administratas por Malawi.
O laco Malawi pasó a estar conoixito por os occidentals dimpués d'as exploracions d'o britanico David Livingstone.
Referencias
- ↑ (en) Jean-Claude Corbell, Ariane Archambault: The Visual Dictionary of Universe & Earth, QA International, 2009, ISBN 978-2-7644-0884-1, p.63
Vinclos externos
