- Iste articlo ye sbre una cinta de cine musical de cine espanyol enguerada l'anyo 1963; ta atros usos, se veiga La verbena de la Paloma (desambigación) y La verbena de la Paloma (cinta).
La verbena de la Paloma (títol orichinal en castellano, en aragonés A verbena d'a Paloma, enguerada en Aragón con o suyo títol orichinal) ye una cinta de cine espanyol de cine de comedia musical enguerada l'anyo 1963 y dirichida por José Luis Sáenz de Heredia seguntes un guión adaptau por él mesmo (basau en La verbena de la Paloma, una zarzuela con texto de Ricardo de la Vega y musica de Tomás Bretón enguerada en 1894), con una banda sonora orichinal de Gregorio García Segura, una dirección de fotografía d'Alejandro Ulloa y una producción cinematografica de Cesáreo González y Benito Perojo ta las productoras Producciones Benito Perojo, Suevia Films, Cesáreo González Producciones Cinematográficas y Excisa S.A.. Conta con un elenco d'o cual en fan parte, en os suyos papls principals, os actors Concha Velasco, Vicente Parra, Ángel Garasa, Mercedes Vecino, Milagros Leal, Irán Eory, Félix Fernández, Silvia Solar, Alfredo Landa, Mary Begoña y Miguel Ligero Rodríguez.
A cinta ye, como s'ha dito, una adaptación d'a obra La verbena de la Paloma, una obra teatral con texto de Ricardo de la Vega y musica de Tomás Bretón, estando ista la suya tercera adaptación a lo cine y la primera en color, dimpués de La verbena de la Paloma (1921, José Buchs) y La verbena de la Paloma (1935, Benito Perojo), y conta la historia de dos polidas mesachas madrilenyas, Susana y Casta, chirmnas popiellas a qui su tía quiere emparellar con Hilarión, un cabalero apoticario d'edat abanzada. Tnimientres, ixo no li cuaca a Julián, que ye lo novio de Susana y que amuestra bien luego estar muit enzelau. A cosa se complica cuan Hilarión, a instancias d'a tía d'as dos mesachas, desempenya dos mantons de Manila d'a familia ta que las mesachas l'acompanyen a la verbena d'a Paloma. Julián decide en consecuencia convidar a ir-ie a l'estanquera, ta enzelar él a Susana, y dimpués a demanar a un amigo que li ampre la suya novia con o mesmo obchectivo.
A cinta s'ambienta en a ciudat de Madrit en dos momentos historicos diferents: d'una man en a epoca actual d'a cinta (1963) y d'atra en o momento actual d'a composición d'a zarzuela (1894) y las suyas escenas se filmoron en ixa mesma capital.[2]
La verbena de la Paloma recibió dos Premios d'o Sindicato Nacional del Espectáculo en a suya 23ena edición, a la Millor Cinta y a la Millor Dirección Artistica.
Se veiga tamién
Referencias
