- Este articlo tracta sobre La Tonda, despoblau de Campo Romanos. Pa atros emplegos se veiga Tonda (desambigación).
La Tonda ye un despoblau medieval de la Comunidat de Daroca situau en l'actual termin municipal de Lagueruela, en Campo Romanos (comarca de Xiloca).
Toponimia
Lo toponimo La Tonda presenta una radiz recurrent en la toponimia de la Peninsula Iberica, y se repite en la sierra de Moncayo, a on que bi ha una part dita La Tonda. Tondos ye una pedanía de Cuenca. En la provincia de Salamanca bi ha una sierra dita sierra de Tonda. En la comarca d'Osona (Catalunya), bi ha un Tona que s'escribiba en lo sieglo IX Tonda. Tamién se troba en Portugal como Tonda y con diminutivo toponimico como Tondela.
En muitos casos lo toponimo Tonda y Tondo acompanya a elevacions topograficas, y en lo caso de La Tonda de la sierra de Moncayo corresponde a un domo anticlinal[1], por lo que una etimolochía a partir de lo latín ROTUNDA ye posible.
Historia
La primera cita a este lugar ye lo texto de 1205 en lo que lo bispe de Zaragoza Remón de Castrocol adchudica decimas y primicias a las ilesias de Daroca y en lo que se cita Tonda:
Hoc autem est divisio
Sancte Marie habet
Signa Torrillo,
Covas,
Corlas,
Anento,
Ferrerola,
Tonda,
Covas de Portelo Rubeo,
Lechon,
Montnegriellos,
Villaalbiella,
Forcallo,
Tortolon,
Baguena.
Puestos d'intrés
- Ermita de Sant Cristoval.
Referencias
Bibliografía
Se veiga tamién
.svg){kind=small}
