Antonio Melendo Marcos Torres Miguel Ferrández Miguel Sorribes José Luis Sarrablo Manuel Domínguez Alfonso Pérez Paco Sarrablo Joaquín Pardinilla Óscar Tesa Ignacio Pardinilla José Manuel Melendo Fernando Sanz Francho Sarrablo Julián de María
La Ronda de Boltaña s'establió en chinero de l'anyo 1992, en as fiestas de Sant Pavlo, con a finalidat de recuperar a ronda en a fiesta de Boltanya, alavez ya desapareixita. Dende l'inte prencipioron a rondar por a resto de lugars de Sobrarbe y arredols. Dimpués d'a publicación d'o suyo primer disco homonimo en 1996, a suya fama ya adquirita s'extendilló dillá de Sobrarbe y d'os Pireneus. Prencipioron a dar conciertos y a actuar en escenarios de tot Aragón, actividat que continoron combinando con as suyas rondas inicials.
Musica
Cantan y tocan a-saber-los instrumentos como l'acordión cromatico y diatonico, guitarras, guitarrico, baixo, laúds, bandurrias, gaitas de boto y trompa de Ribagorza. Tocan tanto cancions tradicionals d'a comarca y d'atras partis d'Aragón, como composicions propias. O suyos mayors "exitos" han estau composicions propias, entre as que destacan a suya "Habanera Triste", "La Tronada", "Bajo Dos Tricolores" u o "País Perdido", l'himno oficial de Sobrarbe.
Ideolochía
Artistas, romanticos, tradicionals, modernos, reivindicativos, sensibles y solidarios, siempre s'han caracterizato por a esfensa d'os dreitos d'o suyo "chicot país", Sobrarbe, d'Aragón y, en cheneral, d'a humanidat. Tamién han luitato siempre contra la inchusta politica hidraulica en o Pirineu y s'han oposato a muitos prochectos como a construción de l'entibo de Chanobas entre atros.
