Joan Antoni Samaranch i Torelló, Marqués de Samaranch, naixiu de Barcelona o 17 de chulio de 1920 y muerto en Barcelona o 21 d'abril de 2010),[1] estió un empresario, politico, dirichent esportiu y mecenas catalán. Estió president d'o Comité Olimpico Internacional (COI) dende 1980 dica 2001,[2] d'o Comité Olimpico Espanyol (COE) dende 1967 dica 1970, y tamién, entre atros cargos politicos, estió Procurador en as Corz Espanyolas dende 1964 dica la suya terminación en 1977 y lo zaguer president franquista d'a Deputación provincial de Barcelona. Yera afiliau a Falange Española Tradicionalista y de las JONS, o partiu unico d'o dictador rancisco Franco.
Estió un gran impulsor d'a organización d'uns Chuegos Olimpicos en a ciudat de Barcelona, fació un primer intento pa os de 1972 no estando dica 1992 cuan lo aconsiguió. Estió un gran reformador d'os Chuegos Olimpicos y un pionero en a promoción d'o esporte ta discapacitaus en Espanya creyando a Federación d'Esporte ta Discapacitaus en 1968 y estando o prencipal impulsor d'os Chuegos Paralimpicos.[3]
Como esportista practicó fútbol, boxeyo, hipica, vela, golf, y especialment hockey sobre patins en a sección d'o RCD Espanyol a on chugaba de portero dica a meitat d'a decada de 1950, dimpués continó como directivo, entrenador d'a sección y d'a selección espanyola. Tamién estió o primer president d'a Federación Espanyola de Patinache y vicepresident d'a Federación Internacional.[4]
En 1991 le estió concediu lo títol de Marqués de Samaranch per lo rei d'Espanya Chuan-Carlos I d'Espanya per la suya contribución a lo esporte.[5]
Prencipals reconoixencias
Doctor honoris causa en Espanya
Referencias
Vinclos externos
.svg){kind=small}
