Jaime Gaspar y Auría (Uesca, 7 de noviembre de 1920 — Zaragoza, 14 de chulio de 1993) estió un politico y profesor aragonés.
Biografía
Naixe de Uesca en o sino d'una familia progresista. A os 15 anyos s'afilia a o PSOE. En 1936, dimpués d'estar afusilau su padre (medico-militar leyal a o gobierno lechitimo d'a Republica) se treslada con a suya familia ta Zaragoza, a on estudia Filosofía y Letras y Machisterio.
S'adedica a la docencia (Director d'o Colechio Sant Isidoro, profesor d'a Escuela de Turismo de Zaragoza, catedratico de Cheografía y Historia en l'instituto Miguel Servet y en a Universidat Laboral de Zaragoza).
En 1977 ye eslechiu deputau por o PSOE en as Corz Constituyents. Estió tamién secretaire politico d'o comité permanent de l'Asambleya de Parlamentarios d'Aragón.
Ocupó o cargo de vicepresident en o primer Gubierno d'Aragón (1978-79).
En l'ambito profesional, estió Decano de l'Ilustre Colechio Oficial de Doctors y Licenciaus en Filosofía y Letras y en Ciencias (1973-1983), a on fació una gran faina de recuperación y estudio de temas aragoneses. Organizó a Federación de Colechios Profesionals d'Aragón, que fació o Congreso d'Estudios Aragoneses en 1976, estando-ne trigau president. Estió tamién miembro d'o Patronato d'a Universidat de Zaragoza.
.jpg)
.svg){kind=small}
.svg){kind=small}
