Jaime García Añoveros, naixito de Teruel (Comunidat de Teruel) o 24 de chinero de 1932[1] y muerto en Sevilla (provincia de Sevilla, Andalucía) o 15 de marzo de 2000,[2] estió un avogato, catedratico y politico aragonés.
Licenciato en Dreito por a Universidat de Valencia, enampló estudios en a Universidat de Bolonya, y se convertió en catedratico en a Universidat de Madrit y en a Universidat de Sevilla. En a suya faceta politica, estió en primeras militant d' Acción Democrática de Dionisio Ridruejo, y dimpués d'Unión Social Demócrata Española dica que iste partiu s'adhibió a la Unión de Centro Democrático (UCD) d'Adolfo Suárez González. Deputato por a provincia de Sevilla en as eleccions a o Congreso d'os Deputatos de 1977 (y re-esleito en as eleccions a o Congreso d'os Deputatos de 1979), estió dende o 5 d'abril de 1979 dica o 2 d'aviento de 1982 Ministro de Hicienda en os succesivos Gubiernos d'Adolfo Suárez y de Leopoldo Calvo-Sotelo,[1] dica l'esboldregamiento d'a UCD, cuan pasó a militar en o Centro Democrático y Social, o nuevo partiu formato por Adolfo Suárez.
Obras
- 1969: Las Haciendas Locales en España, 1940-1965 (director).
- 1977: El Impuesto General sobre la renta de las Personas Físicas.
- 1993: Manual del sistema tributario (director).
Vinclos externos
Referencias
_Leopoldo_Calvo_Sotelo_preside_la_reuni%C3%B3n_del_Consejo_de_Ministros._Pool_Moncloa._27_de_noviembre_de_1981_(cropped).jpeg)
.svg){kind=small}
