A ilesia de l'Aponderación d'a Santa Cruz de Zaragoza ye una ilesia que se troba en Zaragoza (Aragón).
Historia
Ye una ilesia d'estilo barroco construyida entre 1768 y 1780 en o centro cheometrico d'a ciudat romana y debant de l'actual Museu Camón Aznar.
Descripción
L'interior tiene forma de cruz griega inscrita en un cuadrau. A cupula central, con pichinas pintadas por Braulio González y rematada con un cimborio, ye un d'os elementos mas destacables. De l'arte conservau en l'interior cal destacar o cuadro La batalla de las Navas de Tolosa (1785) de Ramón Bayeu y en o retablo de Sant Gregorio Magno un lienzo de José Luzán. A os cantos se troban os retablos neoclasicos de Sant Miguel Arcánchel y o Santo Cristo.
O lienzo d'a batalla d'as Landas de Tolosa destaca por a suya encertada composición. A la dreita, a o fundo y en esfumau, fegura o campamento islamico. O cromatismo ye fredo y as actituz d'as feguras, asinas como o cuadro en cheneral, resulta distant, en relación con o estilo neoclasico. A indumentaria d'os personaches ye acronico, pues remite a o sieglo XVI.
L'exterior de l'edificio no poseye caracteristicas destacables.
Bibliografía
- (es) 100 motivos para enseñar tu ciudad. Conoce la Zaragoza monumental pasquín editau por o Concello de Zaragoza
- (es) Guía histórico-artística de Zaragoza. Guillermo Fatás, (coord.), Concello de Zaragoza (Servicio d'acción cultural), 19913. ISBN 84-86807-76-X.
- (es) Guía total. Zaragoza. Pascual Izquierdo, Madrid: Anaya, 2006. ISBN 84-9776-256-7.
- (es) Zaragoza: guía de arquitectura / an architectural guide, José Laborda Yneva, Zaragoza, Caja de Ahorros de la Inmaculada de Aragón, D.L. 1995, ISBN 84-88305-28-1.
Vinclos externos
