A ilesia de Sant Agostín de Melilla (en castellano iglesia de San Agustín de Melilla ye una ilesia catolica que se troba situada en a ciudat autonoma de Melilla, en a suya carrera Ceuta, numero 6, en l'Eixample Modernista d'a ciudat.[1] Dende lo punto d'anvista d'a suya adscripción administrativa en a Ilesia Catolica, pende de l'arcipestrau d'Melilla en a diocesi de Malaga y de l'archidiocesi de Granada.
Ye una ilesia consagrada a sant Agostín d'Hipona construyida en 1920 que ye una d'as ilesias parroquials d'a ciudat, dende lo 25 d'aviento de 1939 (o 10 d'octubre de 1938 y heba estau erichida como parroquia auxiliar).
Historia
O primer templo adedicau a Sant Agostín yera una capiella situada en a carrera General Villalba bendecida lo 15 de marzo de 1913, encara que la primera capiella d'o vico d'o Real estió la creyada per o vicario eclesiastico Miguel Acosta, que se trobaba en a carrera Castilla y fue bendecida lo 26 de chulio de 1912.
Ista capiella de Sant Agostín se trasladadó enta la carrera Ceuta con o vicario José Cassola antes de 1920, y s'entregó a los Pais Paúls per o prelau d'a diocesi, quedando adscrita a la ilesia parroquial d'o Sagrau Corazón de Jesús.
S'erichió como ilesia parroquial lo 25 d'aviento de 1939 y l'1 de chinero de 1940 prenioron posesión canonica los Pais Paúls de mans d'o bispe de Málaga Balbuino Santos Olivera y fue nombrau mosén rector Rafael Marcos.[1][2][3][4][5]
Descripción
Ye construyida en ladriello macizo pa las parez, bigas de fierro pa lo tellau a dos versants y cindres de ladriello macizo pa las cambras segundarias.[6][1]
Exterior
A suya frontera prencipal ye de composición triangular, conta con una puerta con membral, enmarcau per un arco de meyo punyo flanqueiau per finestras con ixos mesmos arcos de meyo punyo, situando-se sobre ellas uns adornos en forma de dovelas multicolors, amariellas y blancas, y sobre la puerta un rosetón y dencima una espadanya con tres campanas que corona l'edificio.[1]
Interior
Consta de nomás que una sola gran nau cubierta por recha, que empecipia en un nártex, dimpués d'o cual se sitúa un organo y remata en un capitero plano, estando los muros son ubiertos per finestras con arcos de meyo punto.
Galería d'imachens
Referencias
- ↑ 1,0 1,1 1,2 1,3 (es) Antonio Bravo Nieto: Modernismo y Art Decó en la arquitectura de Melilla, UNED Melilla-Ediciones Bellaterra, 2008, ISBN 978-84-7290-428-6.
- ↑ (es) Historia de Melilla a través de sus calles y barrios, Asociación de Estudios Melillenses, 1997.
- ↑ (es) Antonio Bravo Nieto: La ciudad de Melilla y sus autores, Diccionario biográfico de arquitectos e ingenieros (finales del siglo XIX y primera mitad del XX), Ed. Seyer, Malaga, 1997. ISBN 84-87291-81-3.
- ↑ (es) María del Carmen Lechado Granados, Julia Melero Pascual, Gustavo Cabanillas Gutiérrez, Karima Amar Sala, Ana Atencia Andreu y Dunia Mimón Bouzbib: Melilla. Guía turística, Galland Books, 2015, p.75. ISBN 978-84-16200-16-0.
- ↑ (es) Antonio Bravo Nieto: Guía de Melilla, Editorial Evergráficas, S.L., Leyón, p.69. ISBN 84-241-9300-8.
- ↑ (es) Rosario Camacho Martínez: Imagen de Melilla en la arquitectura contemporánea, en Antonio Bravo Nieto y Pilar Fernández Uriel (dir.): Historia de Melilla, Melilla, 2005. ISBN 84-95110-25-3.
Vinclos externos
.jpg)
