A ilesia de Nuestra Sinyora d'os Ánchels de Paniza ye una ilesia mudéchar d'a segunda metat d'o sieglo XVI que se troba en Paniza (Campo de Carinyena, Aragón).
Descripción
Se tracta d'un templo de nau unica, capiellas laterals entre os contrafuertes y abside poligonal en alzau, que en o sieglo XVII sofrió un cambio d'orientación, con a consiguient construcción d'un nuevo presbiterio. Amás, se redecoró interiorment con cheserías de tradición mudéchar y s'ubrió una nueva portalada.[1]
Tanto as capiellas laterals como a nau central, mas altera, se troban recorridas exteriorment en a suya parti alta por una galería d'arcos. A galería inferior se troba ubierta por arcos de meyo punto sencillos, mientres que a superior presenta arcos de meyo punto doblaus. Amás en o muro meridional se veyen bels motivos decorativos mudéchars, como, por eixemplo, esquiniellas, cruces y lazos.
A torre ye situada en l'anglo nortoccidental d'a construcción y presenta estructura interna cristiana. A suya planta ye mixta, estando o primer cuerpo cuadrau y o segundo octogonal, fendo-se a transición entre os dos a traviés de torretonez d'anglo.
O cuerpo inferior apareixe dividiu en tres zonas por impostas y presenta decoración a base d'aspas, rombos y esquiniellas, mientres que o cuerpo superior combina os mesmos motivos con vanos ciegos y ubiertos en arco de meyo punto. A parti superior d'iste cuerpo y o remate son fruito d'a debantdita reforma barroca.
Referencias
Vinclos externos
