- Iste articlo ye sobre a ilesia de Nuestra Sinyora d'as Nieus de Miravet de la Sierra, en o Mayestrato de Teruel; ta atros usos, se veiga Nuestra Sinyora d'as Nieus.
A Ilesia de Nuestra Sinyora d'as Nieus ye una ilesia aragonesa, que se troba situata en o casco urbán de Miravet de la Sierra, en a comarca d'o Mayestrato y provincia de Teruel. Ye un edicifio construyito en o sieglo XVI, en estilo gotico-renaixentista y esviellato en o suyo interior en 1803 en estilo barroco.
Tien dos partes esferenciatas de raso: a ilesia y a suya torre. A ilesia tien nomás que una solenca nau (encara que dividita en tres tramos), con capiellas laterals que se troban situatas entre os contrafuertes que fan de soporte u paret de l'edificio, con una decoración interior muit sobria. Bi ha chicotas uberturas ta la suya iluminación interior, en forma d'arcos de meyo punto.
Antiparte, a torre tien cuatre plantas u nivels, estando as suyas tres primeras cuadratas; a suya cuatrena planta ye en forma octagonal y fa las funcions de campanal.
Vinclos externos
(es) Texto en o BOA d'a declaración d'a ilesia de Nuestra Sinyora d'as Nieus de Miravet de la Sierra como Bien d'Intrés Cultural.
