Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.
O sundanés (Basa Sunda, literalment a "luenga de Sunda") ye una luenga parlada por bels 27 millons de personas en o tercio occidental d'a isla de Chava, o que fa un 15% d'a población Indonesia.
Ye prou amanada ta o madurés y o malayo, y ye relacionau con o chavanés. Tien cuantos dialectos, que se describen convencionalment seguntes as zonas d'os pueblos:
O priangan, que cubre amás gran parte de Sunda, ye o dialecto prencipal d'a luenga sundanesa, y s'amuestra dende a escuela elemental dica as junior-high schools.
Fonolochía
Hue s'escribe o sundanés en alfabeto latino y a suya ortografía ye prou fonetica). Se i troba 5 sons de vocals puras: a (/ɑ/), é (/ɛ/), i (/i/), o (/ɔ/), u (/ʊ/), y dos vocals neutras; e (/ə/), and eu (/ɤ/).
Seguntes Yayat Sudaryat (1991,35) i hai 16 consonants en a fonolochía sundanesa /b/, /ts/, /d/, /g/, /h/, /dʒ/, /k/, /l/, /m/, /n/, /p/, /r/, /s/, /n/, /t/, /n'/, a os que s'achuntan 3 fonemas que nomás i son en ampres lexicos d'atras luengas: /f/, /v/, /z/. Os fonemas consonanticos se transcriben con as letras p, b, t, d, k, g, c (pronunciada como /tʃ/), j, h, ng (que puet amaneixer mesmo en prencipio de palabra), ny (/ɳ/), m, n, s (/s/), w, l, r (que puet tener o son simple u doble) e y. As atras consonants que apareixen mas que mas en ampres se gosan transcribir con una d'as consonants debantditas: f -> p, v -> p, sy -> s, sh -> s, z -> j, and kh (/x/) -> h.
Sudaryat no considera os fonemas /w, j/ como semivocals, encara que as vocals, /w, j/ funcionan como un son glide entre dos vocals diferents, como en as parolas:
