A Republica d'Honduras (en castellano Republica d'Honduras, literalment en aragonés "fonduras", "tierras fondas") ye un estau localizau en America Central. Muga a lo norte con a mar Caribe y as Islas d'a Badía, a l'este con a mar Caribe, a l'ueste con Guatemala y a lo sud con o Golfo de Fonseca en l'oceano Pacifico, El Salvador y Nicaragua. A suya capital ye Tegucigalpa. A suya población ye de 9.805.996 habitants (2003) en una superficie de 112.777 km².
Honduras se troba dividida en 18 departamentos, que a la vegada se subdividen en un total de 298 municipios. A suya forma de gubierno ye de republica presidencialista y democratica, estando l'actual presidenta d'Honduras Xiomara Castro. O poder lechislativo ye representau por o Congreso Nacional d'Honduras, formau por 128 diputaus esleyius en eleccions cada cuatre anyadas por sufrachio universal y a traviés d'un sistema de representación proporcional; dende chinero de 2022 o president d'o Congreso Nacional d'Honduras ye Luis Redondo, esleyiu por o departamento de Cortés en as listas d'o Partido Salvador de Honduras.
Organización politico-administrativa
Honduras ye dividida en 18 departamentos, que a la vegada se subdividen en un total de 298 municipios. A ciudat capital ye Tegucigalpa en o Districto Central de Francisco Morazán.
Referencias
Vinclos externos
