Hermandad de Cristo Despojado de sus Vestiduras y Compasión de Nuestra Señora
Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.
Hermandad de Cristo Despojado de sus Vestiduras y Compasión de Nuestra Señora
A Hermandad de Cristo Despojado de sus Vestiduras y Compasión de Nuestra Señora (en aragonésChermandat de Cristo Espullato d'as suyas Vestiduras y Compasión d'a Nuestra Sinyora) ye una cofadría d'a Semana Santa zaragozana.
Historia
L'orichen d'ista chermandat ye l'Agrupación Musical Getsemaní de Zaragoza, una asociación musico-cultural que fue establita o 6 d'aviento de 2001. Mienbros de dita agrupación deciden fundar una cofadría ta salir en as procesions de Semana Santa y lo fan oficialment o día 14 de setiembre de 2003, festividat de l'Aponderación d'a Santa Cruz y d'o Cristo de Chetsemaní, patrón tetular de l'agrupación musical.
Ixe mesmo anyo lo 15 de noviembre se presentan os documentos d'a chermandat a lo chermano mayor d'a Sangre de Cristo y bels días dimpués a l'arcebispato de Zaragoza. Cuatro anyos mas tardi, o 28 de chinero de 2007 s'aproboron os estatutos y a seu canonica d'a chermandat, que sería la ilesia de Sant Chuan d'os Panez de Zaragoza.
Cuan se creyó a chermandat se demandó a la Sangre de Cristo l'ampren de l'antigo paso d'o Balcón de Pilatos que ye en a Reyal Capiella d'a Ilesia de Santa Isabel de Portugal (Sant Caitano) y que actualment no sale en procesions de Semana Santa. A la fin no i habió un alcuerdo sobre as condicions d'o contrato d'amprato d'a imachen y a chermandat decidió mercar a suya actual imachen en propiedat.
Cristo Despojado: Obra d'estilo barroco feita por os escultors d'Arte Sacro de Madrit sobre fusta de cedro con una altaria de 180 cm. Policromata por o pintor José Soriano. A corona de punchas d'o Cristo ye feita con punchas naturals. Os suyos vestitos son de tierzopelo granat, ubiertos por o peito representan l'inte en que Chesús yera espullato d'éls ta estar penchato en a Cruz. Iste paso ye prou nuevo, de l'anyo 2007, por o que encara no ye rematato y en os siguients anyos s'adhibirán atras feguras como romanos u hebreus ta completar a escena.
Uniforme y emblema
Conflaires d'a sección d'instrumentos.
L'habito d'a chermandat ye una tunica de color granat, os miembros d'a sección d'instrumentos levan toz tercerol granat, igual que os portaestandartes y cetreros y a resta de seccions incluyitos os portiadors d'os pasos leban caperucho blanco. Toz os cofadres levan capa de color blanca con o emblema d'a chermandat en o huembro ezquierdo.
O emblema ye una cruz con una sabana dencima d'os suyos brazos.
