En 2002, con 13 anyos d'edat, Williams se tresladó d'a suya ciudat natal, Meridian en o estau de Mississippi, a Franklin, Tennessee, a on que conoixió a os miembros d'o grupo actual Josh Farro y Zac Farro en a escuela.[4][6] Poco dimpués de plegar prencipió a fer clases de canto con Brett Manning.[7] Mientres yera en a escuela estió cantando con un grupo local de musica funk dita "The Factory" a on que conoixió a Jeremy Davis.[6][8] En 2005, John Janick, fundador d'a discografica Fueled by Ramen, sinyó un contrato con éls.[9]
En 2007, Williams apareixió en o video musical d'a canción "Kiss Me" de New Found Glory.[10]
En o mesmo anyo 2007 os lectors d'a revista Kerrang! premioron a Williams como a segunda "Muller mas sexy" por dezaga nomás d'a cantaire d'EvanescenceAmy Lee,[11] ganando o primer puesto de "Muller mas sexy" en l'anyo 2008,[12] y atra vegata en l'anyo 2009. A mas apareixe como un d'os personaches d'o videochuego Guitar Hero World Tour.
Ta más detalles,veyer l'articlo Paramoreveyer os articlos [[{{{2}}}]] y [[{{{3}}}]]veyer os articlos [[{{{4}}}]], [[{{{5}}}]] y [[{{{6}}}]]veyer os articlos [[{{{7}}}]], [[{{{8}}}]], [[{{{9}}}]] y [[{{{10}}}]].
Paramore s'establió en Franklin, Tennessee, en 2004, con Hayley Williams (cantaire/teclato) chunto a Josh Farro (guitarrista líder/coros), Jeremy Davis (baixista) y Zac Farro (batería). Antis de formar Paramore,[8] a resta de miembros d'o grupo heban tenito diferencias sobre a imachen d'a grupo por tener una mesacha como cantaire, pero como toz yeran buenos amigos ella prencipió a escribir cancions con éls y luego se convirtió en miembro d'o grupo.[15] O grupo ha quitato tres discos d'estudio, All We Know Is Falling, Riot!, y Brand New Eyes asinas como dos discos en directo y un EP. En chunio de 2009, Taylor York (guitarra ritmica) se convirtió en o nuevo miembro oficial d'o grupo, encara que ya heba tanyito con éls en as diferents chiras que facioron dende 2007.
Vida personal
En a revista Alternative Press d'octubre de 2009, Williams y o guitarrista de Paramore Josh Farro confirmoron que heban tenito una relación dende feba tres anyos antis de crebar a suya relación en agüerro de 2007.
