O glaciar d'Aneto (en catalán glacera del Besiberri) ye un glaciar de roca pirenenco situau entre os municipios de la Vall de Boí y Vilaller, en a comarca de l'Alta Ribagorza.[1] Con una superficie de 6 ha y una largaria maxima de 735 metros,[2] ye l'unico glaciar de Catalunya. O glaciar se troba en a versant norueste d'o Besiberri Sud (3.023 m).
O glaciar, igual que toz os glaciars pirenencos, se troba en recesión, encara que muito menyos agresiva comparada con atros glaciars d'a zona.
Descripción cheografica
O macizo d'el Besiberri, a on s'enclava iste glaciar ye formau por a granodiorita d'a Maladeta y entallau vigorosament en circos glaciars seguntes as prencipals pautas morfo-tectonicas. D'ixo y d'una brusca elevación en sale una ariesta-eixe dominant, de dirección N-S, extendida mas de dos km sobre os 2.900 m d'altaria y con mas de 1.500 m de deslivel sobre a immediata val d'a Noguera Ribagorzana, estando o suyo cobalto a 3.030 m en o pico meridional. Chunto a iste y ubierto a o norueste s'ubre o circo occidental, trobau entre parez escarposas y trencadas, con 450 m de deslivel. Astí se i troba una forma bien debuixada de glaciar rocoso con luenga incipient, que chustament desborda iste ambito, y que en o contacto d'a parti superior con as versants enlaza con os glaciars y as erosions d'o fundo d'o circo.[3]
A tamas d'estar localizau a l'este d'a Noguera Ribagorzana, iste macízo amuestra encara un glaciar activo en o extremo oriental d'o glacialismo actual pirenenco. D'atra man, a suya forma rocosa s'emparenta con atros numerosos d'iste mesmo tipo, pero tamién en atros sectors mas occidentals y, en consecuencia, en millors condicions respecto a las precipitacions nivals. As frecuents formas parellanas en o Pireneu oriental, de cuantas edaz, pareixen endicar, manimenos, una tendencia policronica enta ista morfolochía en iste sector d'a cordelera.
Se veiga también
Referencias
