George Cocci

Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

Primer edición de l'Amadís de Gaula de Garci Rodríguez de Montalvo, imprentau en Zaragoza por George Cocci en 1508.

George Cocci (feneixiu en 1546) estió un impresor alemán radicau en Zaragoza y activo en a primer metat d'o sieglo XVI. Estió propietario d'una d primeras y mas importants d'Aragón y d'Espanya en ixas envueltas.

S'asoció con os tamién alemáns Leonardo Hutz y Luppo Appenteger ta imprentar antes de 1503 un Breviarium Romanum. Ixa anyada, George Cocci de conchunta con Leonardo Hutz imprentoron o Breviario de Valencia y ya en 1504, Cocci pasó a treballar como o solo propietario d'a imprenta. En ixa imprenta zaragozana salió a la luz en 1508 a primer edición de Los cuatro libros del virtuoso caballero Amadís de Gaula, refundida y escrita en o su suyo zaguer libro por Garci Rodríguez de Montalvo, libro de caballerías que sería reimprentau buena cosa de vegatas entre o sieglo XVI.

Destacó tamién por a suya fayena como editor d'a obra de l'humanista alcanyizano y medico Juan Sobrarias, un d'os prencipals empentadors d'o renaixencia d'a cultura clásica en Aragón y excelent poeta neolatín.

As suyas publicacions impresas, de gran calidat, fan arredol de trescientos libros. A ormino feba servir en as suyas estampacions un tintau bicolor royo y negro, con una abundant presencia de gravaus. As suyas Décadas de Tito Livio se consideró por beluns como o impreso mas poliu d'o sieglo XVI.

Cocci yera muit amigo con o escultor valenciano afincau en Zaragoza Damián Forment. A traviés d'iste impresor, Forment podió conoixer a obra d'o pintor Durero que dimpués li sirvió como fuent d'inspiración ta fer as trazas de bels retablos.^[1]

Ediciones impresas por George Cocci

• 1507. Juan de Mena, Laberinto de Fortuna.
• 1507. Fernando de Rojas, Tragicomedia de Calisto y Melibea.
• 1508. Garci Rodríguez de Montalvo, Amadís de Gaula.
• 1508. Juan de Luzón, Cancionero.
• 1509. Lucio Marineo Siculo, De primis Aragoniae regibus et eorum rerum gestarum per brevi narratione libri quinque.
• 1509. Aristótil, Ética, tradueita por Carlos de Viana.
• 1511. Juan Sobrarias, Panegyricum carmen de gestis heroicis divi Ferdinandi Catholici, Aragonum, utriusque Siciliae, et Hierusalem Regis semper Augusti, et de Bello contra Mauros Lybes.
• 1513. Fueros y observancias de Aragón.
• 1513. Birchilio, Obras completas.
• 1513. Juan Sobrarias, Libellus carminum.
• 1516. Juan del Encina, Obras.
• 1516. Fueros de Aragón.
• 1520. Tito Livio, Décadas. Tradueitas por fray Pedro de la Vega. Profusament ilustrada con excelentsxilografías.
• 1521. Garci Rodríguez de Montalvo, Amadís de Gaula.
• 1523. Diego de San Pedro, Cárcel de amor.
• 1526. Fernando Basurto, Don Florindo (Títol orichinal Libro agora nueuamente hallado del noble y muy esforçado cauallero don Florindo, hijo del buen duque Floriseo).
• 1535. Juan Sobrarias, Disticha moralia.
• 1546. Pedro Ciruelo, Confesonario.
• 1547. Breviario del Monasterio de Sigena.
• 1547. Alonso López de Corella, Secretos de Philosophia y Astrologia y Medicina y de las quatro mathematicas Sciencias.

Referencias

1. Carmen Morte García. Damián Forment y el Renacimiento en Aragón. Cuadernos de Arte Español. Historia 16. ISBN 84-7679-199-2

Bibliografía

• (es) George Cocci, en a Gran Enciclopedia Aragonesa (en linia).
• (es) Gerónimo Borao, La imprenta en Zaragoza, Zaragoza, Vicente Andrés, 1860.
• (es) Patrizia Botta y Víctor Infantes, «Nuevas bibliográficas de la Tragicomedia de Calisto y Melibea (Zaragoza, George Cocci, 1507)», Revista de Literatura Medieval, núm. 11 (1999), pp. 179–208. Edición digital de Biblioteca Virtual Miguel de Cervantes, 2007.
• (es) Antonio Pérez Lasheras, La literatura del reino de Aragón hasta el siglo XVI, Zaragoza, Ibercaja-Institución Fernándo el Católico (col. Biblioteca Aragonesa de Cultura), 2003. ISBN 84-8324-149-8
• (es) Rafael Ramos, «Tirante el Blanco a la zaga de Amadís de Gaula», en Parnaseo.

Vinclos externos

• Se veigan as imáchens de Commons sobre George Cocci.

• Datos: Q9012774
• Multimedia: Jorge Coci / Q9012774