Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.
Bi ha dos prencipals divisions dialectals: as d'a parti continental (mooring, goesharder, wiedingharde, karrharder, halliger) y os dialectos insulars (fering, Öömrang, söl'ring). No bi ha una variedat estándard, encara que beluns han sinyalau como tal a o dialecto mooring continental.
Situación
O frisón septentrional ye una luenga en periglo d'extinción, ya que en muitos puestos os ninos ya no l'aprenden. As excepcions son uns poquez lugarons en as islas de Föhr y Amrum y l'aria de Risum-Lindholm. Muitas personas son trilingües (frisón septentrional, alemán estándard y baixo alemán) u, mas que mas a o largo d'a muga danesa, cuatrilingües (frisón septentrional, alemán estándard, baixo alemán y del chutlandico meridional, un dialecto danés).
Bi ha cuantas asociacions culturals y politicas que esfensan os suyos dreitos y cultura. A prencipal asociación d'os frisons septentrionals ye a Nordfriesischer Verein ("Asociación de frisons septentrionals"). A Nordfriesischer Verein aduya a mantener l'idioma y a cultura de Frisia septentrional.
