John Fredrik Reinfeldt ([ˈfreːdrɪk ˈrajnˌfɛlt]) , naixito d'Österhaninge (Haninge, condau d'Estocolmo) o 4 d'agosto de 1965, ye un politico sueco, que estió lo primer ministro de Suecia dende o 6 d'octubre de 2006 dica lo 3 d'octubre de 2014. Ye militant d'o Partiu Moderau (o Moderata Samlingspartiet en sueco).
Carrera politica
Estudió en a Universidat d'Estocolmo, a on destacó como líder d'os estudiants, en o grupo Borgerliga Studenter – Opposition '68.
Fredrik Reinfeldt prencipió a suya carrera politica como militant d'a Liga Chovenil Moderada, a Chovenalla d'o Partiu Moderau, en 1983, y dende 1992 dica 1995 estió o líder d'ixa formación politica chovenil.
En 1988 fue esleito alcalde de Täby.
Dende 1991 ye deputado en o Parlamento de Suecia (o Riksdag), y en 1994 estió ministro en o Gubierno de coalición de Carl Bildt, encara que yera critico con a suya tactica politica.
O 25 d'octubre de 2003 se convertió en o líder d'o Partiu Moderau. O 17 de setiembre de 2006, en as eleccions chenerals, o Partiu Socialdemocrata de Suecia perdió a suya mayoría absoluta, y Reinfeldt, que heba amillorato os resultatos d'o partiu con un programa electoral mas centrista, formó coalición de gubierno con o Partiu d'o Centro, a clamata Alianza por Suecia. O 5 d'octubre fue esleito primer ministro de Suecia en o Riksdag) con 175 votos a favor y 169 en contra.
Vinclos externos
