Franz Anton Hoffmeister, naixito de Rottenburg am Neckar (Austria Anterior, hue en Baden-Wurtemberg, Alemanya) o 12 de mayo de 1754 y muerto en Viena (Imperio Austriaco, hue Austria) o 9 de febrero de 1812, estió un compositor d'Opera alemán, encara que hue ye mas conoixito en a suya faceta d'editor musical d'as composicions d'atros autors, en haber establito en Viena en 1785 una d'as primeras empresas d'edición musical. En ixa empresa se publicoron no nomás as suyas obras, so que tamién obras d'os mas destacatos compositors d'ixas envueltas.
