Os Estaus Unius Mexicanos son una federación formada por trenta y un estaus libres y sobirans. Os estaus forman un solo "Estau federal" u "Unión" que tradicionalment ha exercito churisdicción esclusiva sobre a Ciudat de Mexico, un territorio que no perteneixe a dengún estau sino a toda a Federación por igual y d'a cual ye a capital, seu d'os poders de gubierno.
1Se'n achuntó a la federación con o nombre de Coahuila y Texas. Dimpués d'a escisión d'o districto de Béjar constitucionalment en 1833 como estau de Texas y a suya independencia en 1836, o nombre d'o estau se cambeó a Coahuila.
Breument en 1856 Nuevo León anexó a Coahuila en un plebiscito ta dimpués declarar a independencia de Mexico. Dimpués d'a redota d'as fuerzas independentistas, Coahuila se deseparó de Nuevo León
2Nuevo León, Tamaulipas y Coahila se independizoron de facto pero no de iure de México breument (poco menos de 250 días); a independencia no se consolidó pos as fuerzas independentistas estioron redotatas por as fuerzas centralistas.
3En 1824 s'unió a la federación o estau de Sonora y Sinaloa, seguntes a constitución federal, encara que tamié se li clamó oficialment Estado de Occidente. Iste se trestallaría en dos en 1830 y dimpués d'a publicación d'as suyas respectivas constitucions, se i entegrón en 1831 os estaus deseparaus de Sinaloa y Sonora.
4Yucatán s'entegró a la federación orichinalment en 1824, pero s'independizó de iure por dos vegatas (1841-1843 y 1846-1848), y formó a Republica de Yucatán conformada por os actuals estaus de Yucatán, Quintana Roo y Campeche. En 1848 se tornaría a integrar definitivament en a federación.
