A ermita de Santa Quiteria de Tardienta ye una ermita situada amán d'a localidat de Tardienta, en a comarca de Monegros, provincia de Uesca.
Descripción
Ye una construcción d'estilo neogotico d'a segunda metat d'o sieglo XX. Se construyió pa sustituyir a l'antiga ermita que heba estau destruyida mientres a Guerra civil espanyola.
D'una nau de cinco trampos deseparaus por arcos apuntaus y con dos salas a os dos cantos que se fan servir como minchadors pa os romers y vesitants. En cada trampo d'a nau bi ha oculos de iluminación. A la dreita d'o presbiterio ye a sacristía.
Feita de mampostería remata en una cabecera plana. O coro tien o frent adintelau, asinas como a dentrada situada baixo iste y protechida de l'exterior por un portegau ubierto a o frent y os cantos con arcos de meyo punto
En l'altar mayor bi ha imáchens de Santa Quiteria, Sant Nicolau y Sant Roque.
Tradicions
Toz os días 22 de mayo, día gran d'as fiestas de Tardienta, se i celebra una romería en a que se fa una misa, se bendicen os campos, se mincha y dimpués s'acompanya a la confrairía a las afueras d'a localidat pa fer o saludo con a bandera a la imachen de Santa Quiteria.
Cheodesia
Bi ha un vértiz cheodesico situau chunto a la ermita con una altaria de 533 metros dende o livel d'a mar[1].
Referencias
Vinclos externos
