A ermita de Santa Quiteria de Santolaria de Galligo ye una ermita situada amán d'a localidat de Santolaria de Galligo, en a Plana de Uesca, provincia de Zaragoza, sobre o cerro de Santa Quiteria (712 m).
Adedicada a Santa Quiteria, se troba en una pista que sale d'o kilometro 7 d'a carretera que une os lugars d'Ayerbe y Santolaria de Galligo. Iste camín sale a la izquierda d'a carretera y ye marcau como rota de BTT. A o largo de toda ella bi ha a-saber-las cabanyeras que fan que se contine andando por a pista prencipal. Dita pista leva enta un pinar y mas entabant bi ha un collau sin d'árbols. En iste punto bi ha un forcallo en o camín, estando a pista que s'endreza enta la izquierda la que leva ta la ermita.
Fue construyida l'1 de chinero de 1981, tiene una altaria de 4,5 metros de alto y poseye un campanal en l'alto de ella.
Celebracions
En ista ermita se celebra a romería de Santolaria de Galligo en a Pascua de Pentecosta en honor a Sant Antón, patrón d'a Sierra Estronad o 17 de chinero. Consiste en realizar una gambada desde Santolaria dica la ermita d'alto u baixo 3 kilometros. A marcha remata con o tanyiu d'as campanas en plegar ta la ermita y dimpués una chenta. A birolla la trayen os participants d'a cursa y se fa en as mesas y cadieras que se troban chunto a ella. En rematar a chenta se reculle tot y se torna a o lugar en auto. Una d'as tradicions d'istas romerías ye cantar o gozo a Santa Quiteria.
Rotas
A-saber-las rotas tanto andando como en becicleta levan enta la ermita. Una d'as rotas mas conoixidas ye a Vuelta a Sierra Mayor, a cual prencipia y remata en o lugar d'Ayerbe. Ye una rota de carácter cercular y con prou deslivel acumulau. Ista ruta se fa por un regular en becicleta y permite observar amplas arias deshabitadas asinas como grans selvas de diferents tipos de vechetals, todas ellas entre as provincias de Uesca y Zaragoza, pero sin salir d'a comarca d'a Plana de Uesca. A mayor parti d'o trachecto discurre por pistas, normalment en buen estau, pero con trampos esmarchinaus debiu a la acción de l'augua y a o inconsistent d'o terreno.
Cheodesia
Bi ha un vértiz cheodesico situau chunto a la ermita con una altaria de 712 metros dende o livel d'a mar[1].
Vinclos externos
Referencias
