PROFILBARU.COM

Ermita d'a Virchen d'o Bario
Ermita d'a Virchen d'o Bario
Situación cheografica
Estau
País
'
Situación	Bestué, Aragón
Adreza
Coordenatas
Archidiocesi
Diocesi	Balbastro-Monzón
Arcipestrau	Sobrarbe-Ribagorza
Información cheneral
Advocación	Virchen d'o Bario
Culto	Cristianismo
Orden
Rector
Vicario parroquial
2.º Vicario parroquial
Mosen
Propietario
Administrador
Director
Coste	{{{coste}}}
Visitable
Altaria
Pisos
Amplaria
Largaria
Superficie
Diametro
Aforo
Altaria s.l.m.
Atras
Alcance
Iluminación
Potencia
Arquitectura
Tipo	Ermita
Estilo
Función
Catalogación	Bien d'Intrés Cultural
Materials
Construcción
Construcción	Sieglo XVII
Fundador
Inicio
Fin
Inauguración
Destrucción
Arquitecto
Incheniero estructural
Incheniero de servicios
Incheniero civil
Atros
Premios
Pachina web
Localización
Ermita d'a Virchen d'o Bario Ermita d'a Virchen d'o Bario en Aragón

A ermita d'a Virchen d'o Bario de Bestué (en castellano Ermita de la Virgen del Bario u del Barrio^[1]) ye una ermita d'o sieglo XVII situada en a localidat de Bestué (Puértolas), en a comarca de Sobrarbe.^[2]

Nombre

Conoixida localment como ermita d'a Virchen d'o Bario^[3], ye extendida tamién a variant castellanizada como Virchen d'o Barrio^[4] como reculle por eixemplo Pascual Madoz:

Bestué con ayuntamiento de la provincia de Huesca (18 leg.), partido jud. de Boltaña (4), adm. de rent. y dióc. de Barbastro [...] hay también 4 ermitas dedicadas á San Miguel, á San Juan Bautista, á San Martin y á la Virgen del Barrio [...]

^[5]

Descripción

Situada en o cabo sud d'o lugar, amán d'a ilesia de Sant Pero Apóstol. Se tracta d'una construcción d'una nau con planta de cruz latina, crucero y cabecera recta, que se troba orientada enta l'este. A os piez i hai un portegau de planta cuadrangular, ubierto a o frent por un arco de meyo punto y cubierto por una vuelta de meyo canyón. Adosada a o costau sud se troba una sagristía que ye mas baixa que a nau prencipal.

A suya fabrica ye de mampostería de piedra d'arena, muit regular, pero dispuesta en filadas heterochenias, estando cubierta con losa a dos auguas. A frontera remata con una espadanya d'un solo uello en arco rebaixau.

L'interior, incluyindo a sagristía, ye cubierto por vuelta de meyo canyón. A os piez i hai un coro alto, con acceso por una escala intramural dende a capiella d'o costau norte. En o paramento sud, i hai una finestra, estreita, abocinada y rematada por un arquillo de meyo punto.

Leyendas y tradicions

Construyida en o sieglo XVII, i hai bellas leyendas arredol d'a ermita que deixan veyer l'antigüidat y devoción a ista advocación mariana. O mosén y historiador aragonés Roque Alberto Faci reculle una leyenda que data d'o sieglo VIII y relata como Bestué se libró d'a invasión d'os musulmans gracias a la intercesión de Nuestra Sinyora de Bario, que seguntes diz yera ya venerada en o lugar dende tiempos d'os visigodos.^[6] Seguntes ista historia o día que os invasors sarracins heban d'invadir o lugar amaneixió con boira preta dimpués de que os habitants d'o lugarón hesen estau toda a nueit rezando a la Virchen. En sentir as voces d'os habitants de Bestué chilando instruccions d'esfensa, os invasors pensoron que a plaza yera esfendida por un mayor numero d'hombres y albandonoron as suyas intencions quedando pa siempre o lugar sin conquistar.

Un atra variant de l'anterior ye a leyenda d'os micalez^[7] que se reculle oralment dica l'actualidat y que puet estar l'orichen de l'anterior leyenda, mas culta y transmitida por escrito en os sieglos XVII y XVIII. En ista versión qui mira d'invadir a localidat son os unos guerrers, ditos “micalez” u "micolez", probablement forma local pa decir a os miquelez, milicianos mercenarios u voluntarios que reclutaban as deputacions y chuntas d'a Corona d'Aragón ya en epoca moderna pa refortir o exercito regular. Igualment os habitants rezan a la Virchen d'o Bario que en ista ocasión los proteche a traviés d'una boirada de mosquins.

Tradicionalment os habitants de Bestué asistiban a la ermita os días 8 de setiembre y 8 de mayo, días d'a fiesta mayor y menor d'a localidat. En a fiesta mayor se i feba amás misa y se repartiba a "caridat", que yera pagada gracias a os beneficios que se quitaban d'o loguero d'uns campos de titularidat comunal. Dimpués se feba una ronda con o gaitero por as carreras d'o lugar, cantando os gozos a la Virchen d'o Bario^[8] y prencipiando asinas as fiestas. En mayo se i feban novenas que remataba con a fiesta menor.

A ermita yera puesto a on veniban a demandar aduya os endimoniau y cuan i heba partos periglosos. Tamién se rezaba a la Virchen cuan i heba tronada u en tiempos de sequera. Se rechistra asinas mesmo a existencia d'una cofadría que aduyaba a malautos y moribundos.