Elda ye un municipio y ciudat valenciana, en la comarca de lo Vinalopón Meyo (en ye la suya capital), provincia d'Alicant.
La suya población ye de 54.815 habitants (2010) en una superficie de 45,79 km², con una densidat de población de 1.197,1 hab/km².
Mugas
Lo suyo termin municipal muga con Petrer, Novelda, Monòver, Asp, El Pinós, Salinas, Villena y Xaix.
Toponimia
En lo periodo romano se deciba Ello u Elo. En la Edat Meya presenta bellas variants documentals como Eloe y Edelle, pero se observa una tendencia a escribir Ella en castellano y Etla en catalán. Pareix que en aragonés debió estar Ella como en castellano y veyemos Valdella ("Val d'Ella") en la "Cronica de Sant Chuan de la Penya" cuan parlan de tractaus de mugas entre la Corona d'Aragón y lo Reino de Castiella:
Et depues de algun tiempo el Rey de Portogal
Don Dionis, cobdiciando quel rey Don Jayme et el rey Don Ferrando de Castilla fuessen amigos et bien querients et paz et amor fuesse entrellos, et vn dia todos los ditos tres Reyes se ajustoron en Taraçona et vnion fizieron contra el rey de Granada, et el dito rey Don Jayme rendió la ciudat de Murcia al dito de Castiella mas retuuose
Orihuela,
Guardamar,
Alicant,
Elche et
Criuillen, la Muela,
la Valdella et de
Nonouella et
Fauaniella, et muytos de otros castiellos roqueros. Et el Rey de Castiella dió su filla por muller al infant Don Jayme fillo primogénito del rey Don Jayme, mas cada uno era en fuert chica edat constituydos. Et fué assi enpresso entre entramos los ditos Reyes que el vno es á ssaber el Rey de Aragon, sitias la ciudat de Almeria, et el otro es á ssaber el Rey de Castiella sitiara
Aljazira de Alfrada.
Dende lo sieglo XV se fixa la forma Elda.
Historia
En l'anyo 1243 pasa, por lo tractau d'Almizra, a fer part de lo Reino de Castiella, un anyo dimpués Ferrando III donó lo castiello y población d'Elda a Guillén l'Alemán; en 1257 Alifonso X lo Sabio lo cede a su chermano Manuel, este a lo suyo fillo Don Juan Manuel, sinyor de Villena, y este a la suya chirmana, Violant, en 1265. En 1264 Chaime I recupera la villa cuan Alifonso X li solicita refirme contra una sublevación mora en lo Reino de Murcia.
Demografía
.svg){kind=small}
