PROFILBARU.COM

Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

Dennis Gansel
O director alemán Dennis Gansel, en una imachen de 2010 en Viena.
Información personal
Calendata naiximiento:	4 d'octubre de 1973
Puesto naiximiento:	Hannover (Alemanya)
Ocupación:	Director cinematografico y guionista

Dennis Gansel (naixito o 4 d'octubre de 1973 de Hannover) ye un director cinematografico y guionista alemán.

Vida y obra

Mientres a suya etapa de formación (1987-1993) Dennis Gansel estió en o Tellkampfschule de Hannover a on se graduó y obtenió l'Abitur (diploma que permite l'acceso a la universidat). Dende 1993 dica 1995 fació servicios a la comunidat. Dende 1994 dica 2000 estudeó en l'Academia de televisión y cine de Múnich.

O suyo primer treballo estió un cortometrache dito The wrong trip realizato en 1995. O suyo primer largometrache estió en 1999 con Das Phantom (O pantasma), un thriller politico sobre a Fracción de l'Exercito Royo (RAF) con Jürgen Vogel como protagonista fendo d'investigador. A cinta s'emitió por televisión en mayo de 2000 y no nomás tenió una gran repercusión mediatica sino que tamién obtenió tres premios Adolf-Grimme. O suyo debut en o cine plegó en 2001 con Mädchen, Mädchen (Mesachas, mesachas).

En 2008 s'estrenó Die Welle. A cinta estió en o Festival de Cine de Sundance en a sección World Cinema – Dramatic. En zagueras o premio estió ta o largometrache sueco Ping-pongkingen de Jens Jonsson. Pero Die Welle ganaría o bronce Deutschen Filmpreis (Premio d'o cine alemán) a la millor cinta alemana.

Cintas

1995: The Wrong Trip (cortometrache).
1996: Living Dead (cortometrache).
1998: Im Auftrag des Herren (cortometrache).
1999: Das Phantom.
2001: Mädchen, Mädchen.
2004: Napola - Elite für den Führer.
2008: Die Welle (A Ola).
2009: Männerherzen (como actor convidato).
2010: Wir sind die Nacht.

Premios

Bayerischer Filmpreis 2005 por Napola – Elite für den Führer.
Deutscher Filmpreis a o millor guión en 2003 por Napola – Elite für den Führer.
Adolf-Grimme-Preis por Das Phantom (O pantasma).
Deutscher Filmpreis 2008 de bronce por Die Welle (Millor largometrache).