O cubilar d'Estós u cubilar d'el Cantal ye un cubilar situau en a vall d'Estós en mel meyo d'o Parque Natural de Pocez-Maladeta, a 1.859 m de altaria.
Administrativament se troba situau adintro d'o termin municipal de Benás, en a comarca de Ribagorza, en a provincia de Uesca, Aragón.
Ye un cubilar de montanya guardau tot l'anyo con 120 plazas en litera corrida. Dispone d'augua corrient, duchas y lavabos, augua calient, servicio de tabierna y minchador, mantas, calefacción, chaminera, puesto ta cocinar, taquillas, guardaesquís, calcero de descanso y aula d'audiovisuals. Tamién ufre telefono y sistema de telecomunicacions ta soscorro.[1]
Actividaz
Ye un punto de partida ta muitos excursionistas, ta practicar o senderismo por o GR 11, senders de chicot recorriu de Benás, travesías por Literola, Chistén (GR-11), Grist, val d'O, travesía d'os tres cubilars (Estós-Viadors-Ángel Orús), puyadas a la punta de Lardana, Chiminucs, Cllarabida, Gorgs Bllancs, Perdiguero, tuca d'el Puerto d'O, Els Corvez, Agullas de Perramó, tucas de Ixeya, Montidiego, asinas como numerosos itinerarios d'esquí de travesía, escalada en roca, alpinismo y espeleolochía.[1]
Se veiga tamién
Referencias
Vinclos externos
Enlaces externos
