As Corz de Monzón de 1547 estioron unas Corz Chenerals d'Aragón que fuoron convocadas por Carlos I d'Aragón y presididas por o prencipe Felipe, ya que o rei se trobaba en Alemanya. Se convocoron o 6 d'abril pa celebrar-se o 23 de chunio, encara que a primera sesión estió lo 5 de chulio y a zaguera o 9 d'aviento de 1547.
Se celebró en un clima de paz en o conflicto con os turcos, lo que heba permitiu amillorar o comercio catalán por a Mediterrania. Os tres brazos d'o Reino de Valencia exposoron a suya preocupación[1] por a esfensa d'a costa y demandoron pa disuadir a os corsarios a millora d'as fortificacions de Peniscola y La Vila Joiosa, a construcción de dos torretons en Cullera y Orpesa, y o ninvío a Cullera de tres u cuatre piezas d'artillería. O rei proveyó Jeroni de Cabanyelles i Gallac pa que determina-se o mas convenient en toz istos afers, cambeando a politica d'esfender o litoral con una armada de galeras y con corsarios.[2]
D'atra man, a guerra con Francia s'intensificó con grieus perchudicios economicos pa las ciudaz de Chirona y Perpinyán.
Cronistas d'o reino d'Aragón
Istas Corz son as primeras en as que se designa oficialment Cronista Mayor d'o Reino d'Aragón.[3] Yera un cargo remunerau y trigau por os deputados, estando una persona con una buena formación y conoixedora d'o reino. O primero en ocupar iste cargo estió Cheronimo Zurita entre os anyos 1548 y 1580, qui deixaría escritos os Anals d'a Corona d'Aragón.
Referencias
