Lo Castiello de Val de Robres ye un castiello-palacio que teneban los arcebispes de Zaragoza en lo cabalto de la localidat de Val de Robres (Comarca de lo Matarranya), que yera lo suyo feudo.
Forma un conchunto gotico a saber-lo d'interesant con la ilesia gotica, con la que yera comunicada por un puent.
Lo castiello tien una construcción que s'adosa a una penya natural y la tuca d'ixa penya fa de patio d'armas. La planta fa una L arredol de la penya, (800 m²), la primera planta i fa una U (1000 m²) y la segunda una O (1100 m²).
I ye muito present l'escudo de lo bispe Don García Ferrández d'Heredia. Tamién i trobamos l'escudo d'atro Bispe, Don Dalmau de Mur y Cervellón.
Historia
Seguntes la opinión de bels autors, primero i heba una fortaleza musulmana, pero encara que ye lochico, no ye seguro. Se sabe por textos investigaus por Enrique Puch y Matías Pallarés que un castiello de caracter defensivo ya i heba antes de las obras feitas en la epoca de García Ferrández d'Heredia y que dioron forma a lo que huei veyemos. Bellas construccions de la part de dezaga de lo castiello y de los muros indican que lo primer castiello se fació en lo cabalto de la penya y teneba forma de torraza. Seguntes Antonio Ubieto Arteta, ixe primer castiello defensivo fació parte d'un sistema de castiellos que edificó Remón Berenguer IV pa esfender la muga oriental de lo reino.
La obra que huei se vei se fació en cuatre fases:
En 1429, lo rei Alifonso lo Magnanimo i celebró corz chenerals.
Vinclos externos
.jpg)
