Carlos XVI Chuan (en sueco Carl XIV Johan), naixito como Jean-Baptiste Bernadotte (Pau, Biarn, 26 de chinero de 1763 - Estocolmo, Suecia, 8 de marzo de 1844), estió un militar occitán d'o Imperio francés, Prencipe soberano de Pontecorvo (1806-1810) y dende o 5 de febrero de 1818, monarca de Suecia (como Carlos XIV) y Noruega (como Carlos III).
A suya choventut
Naixito de Pau (Biarn) fillo de Henri Bernadotte (1711-† 1780), procurador en Pau, y de Jeanne St. Jean (1725-†1809). Baptizato con o nombre de Jean Baptiste, a o que ell mesmo ahibiría dimpués o de Jules en honor de Chulio César, en un tipico chesto propio d'a Revolución francesa. O nombre d'a familia, orichinalment Deu Pouey, heba estato cambiato por o de Bernadotte en primerías d'o sieglo XVII.
