Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.
Iste articlo tracta sobre os cantons. Ta atros usos de «cantón» se veiga cantón (desambigación).
Un cantón u canto (d'o latín <CANTU) ye o punto a on que dos parez u dos fronteras d'un edificio se troban, tot formando un anglo convexo. Mientres que a parola canto ye menos especifica y se puede fer servir, practicament, ta l'anglo u ariesta de cualsiquier obchecto, cantón ye un vocable mas especifico de as construccions.
Anque bellas vegadas se fan servir como sinonimo de cantón, a parola cantonada tiene un matiz de diferencia en tanto que s'aplica mas a la converchencia de dos carreras; por tanto, con un sentiu mas descriptivo de cheografía urbana: p. ex. "a cantonada d'a Carrera de Quinón con a d'a masadería", "a cantonada a on ye a botica", etc. y no tanto "o cantón d'a carrera de Quinón con a carrera d'a masadería".
Bels eixemplos de frases con l'uso d'un de l'atro termino, en os que se puede apreciar a diferencia:
Quedamos en a cantonada d'o Corte Inglés, en o canto a on que i hai un quiosco.
A cantonada d'isa calle de Migalico ye bien estrecha. La otro día, o medico rascó o coche con o cantón de casa Ferrero y aúna i tienen a pintura en a piedra.
