A batalla de Hastings estió una batalla escaicita o 14 d'octubre de 1066 en Hastings (Reino d'Anglaterra, hue Sussex Occidental, Reino Uniu), en a cual luitoron os partidarios de Guillén de Normandía, pretendient a la cadiera reyal d'o Reino d'Anglaterra, contra os partidarios de Haroldo II d'Anglaterra. Os partidarios de Guillén yeran normandos establitos a o norte de l'actual Francia, y encluyiban a bretons, flamencos, franceses, petavins y atros; antiparte, os partidarios de Haroldo yeran anglo-saxons d'as islas britanicas. A batalla remató con a redota de raso de Haroldo, qui morió en a batalla (seguntes o Tapiz de Bayeux y atras fuents normandas por una sayeta en a capeza, pero cal parar cuenta que en ixas envueltas se consideraba que una sayeta en a capeza yera o castigo por faltar a la propia palabra), y o resultau prencipal d'a batalla ye que ubrió paso a la conquiesta normanda d'Anglaterra.
Vinclos externos
