O barranco de Val de Cara ye un barranco aragonés d'a Val d'Ebro que naixe en os monts d'o municipio de Fuents d'Ebro y desemboca en o río Ebro, a mán d'a localidat de Quinto.
O barranco naixe en o parache de Val de Canchurel, que fa muga con o municipio de Mediana d'Aragón. En o suyo tramo inicial reculle as auguas d'os barrancos de Val de Las Planas y Val del Tomillar, cerca d'os sasos de Pedriza y Tomillar, totas ellas partitas de mont perteneixents a Fuents d'Ebro.
Ya en o municipio de Quinto, en a partita dita Acampo de Blas, zona de regano d'o lugar, o barranco ye, en parti, derivato ta lo sistema de ceicas agricolas. Por iste feito, segurament, ye considerato dintro d'as intercuencas diseminatas de l'Ebro por a Confederación Hidrografica de l'Ebro y enquadrato en a cuenca d'os ríos Chiner y Lopín, como "Río Ebro desde el río Ginel hasta el río Aguas vivas" (masa de agua superficial 455)[1]. Sin d'embargo puet continar o suyo recorrido ta desauguar a l'Ebro entre os campos de La Chopada y El Rayal.
Notas y referencias
Vinclos externos
