PROFILBARU.COM

Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

Diferents bisels en agullas hipodermicas

6 agullas hipodermicas en conectors Luer; d'alto ta abaixo: 26G x ½" (rosa), 25G x ⅝" (narancha), 22G x 1¼" (negro), 21G x 1½" (verde), 20G x 1½" (amariello), 19G x 1½" (blanco)

Una agulla hipodermica ye un instrumento sanitario conformau por una agulla ueca por un regular utilizada con una ixaringa pa inchectar substancias en o cuerpo. Tamién pueden emplegar-se pa prener muestras de fluidos y teixius d'o cuerpo, por eixemplo prenendo sangre d'una vena a traviés d'a venopunción u d'o liquido cefalorraquídeo en a punción raquídea (cuan se sospeita de meninchitis). Son feitas prencipalment d'acero inoxidable.

Historia

L'agulla hipodermica fue inventada en 1853 por Alexander Wood, medico d'Edimburgo, cuan a suya muller padeixeba un cáncer incurable, chustament pa inchectar-le morfina. Estió a primera persona en recibir ista droga por ixa vía y a primera en tornar-se adicta a la morfina.

L'invento estió posible gracias a que l'irlandés Francis Rynd (1811-1861) heba inventau l'aguja ueca en 1844.

Pero qui verdaderament popularizó o metodo estió o medico francés Charles Gabriel Pravaz (1791-1855), qui disenyó una ixaringa, precursora d'as actuals, pero con pistón o mesmo anyo que Wood.

Mas tardi, Williams Fergusson (1808-1873) la simplificó y dimpués o fabricant Luer la industrializó con una forma parellana a las emplegadas en l'actualidat.

L'incheniero y inventor aragonés Manuel Jalón Corominas (1925-2011) inventaría o concepto d'agulla hipodermica desitable.

O concepto d'inchección yera conoixiu dende l'antigüedat, ya Galén emplegó y describió metodos d'inchección; manimenos, as incheccions aproveitaban incisions u se practicaban, a invención de l'agulla hipodermica estió, por tanto, un gran abance. O calibre d'os anchiocatéters u agullas emplegadas en medecina se miden en Gauge que ye una escala distinta que procede d'una escala anglesa d'arambres. También pa o calibre d'as escopetas i hai una escala similar. A escala ye inversa y va dende l'agulla mas gruesa 1G de 12,7 mm ta l'agulla mas fina de 36G con nomás 0,102 mm; asinas, una agulla de 11 Gauges tiene 3 mm y ye mas gruesa que un calibre 19G, que mide 1 mm. En toda agulla consta a largaria d'a mesma y gosa apareixer tamién o fluxo chenerau seguntes o calibre interno.