D UEFA Champions League [uˈeːfa ˈtʃæmpiənz liːg] isch e Wettbewärb für öiropäischi Fuessball-Veräinsmannschafte vo de Manne under em Dach vom öiropäische Fuessballverband (UEFA). Die Bezäichnig gältet sit dr Säsong 1992/93, vo 1955 bis 1992 het d Veraastaltig as Öiropapokal vo de Landesmäister stattgfunde. Er wird jeedes Joor im Raame vom Öiropagöp usdräit und gältet im Vergliich zu dr UEFA Europa League as dr wichdigeri vo de bäide Wettbewärb.
Am mäiste gwunne het dä Wettbewärb dr spanisch Klub Real Madrid, wo 13mool Erste worde isch. Us em dütsche Sproochruum si bis jetz dr FC Bayern München (sächs Siig), dr Hamburger SV und Borussia Dortmund (bäidi äimol) erfolgriich gsi.
.jpg)
