Schlacht bei Alerheim

Schlacht bi Alerheim
Deil vo: Driissigjöhrige Chrieg
Schlachtordnig vo de Armeä
Datum 3. August 1645 Ort Alerheim, Bayre Usgang französisch-weimarer-hessische Siig
Konfliktparteie
kaiserligi und bayerischi Truppe	französischi, hessischi und Weimarer Truppe
Befählshaber
Oberkommando: Freiherr Franz vo Mercy lingg Flügel: General Werth recht Flügel: General Geleen	Oberkommando: Dr Herrzog vo Anguien lingg Flügel: Marschall Turenne recht Flügel: Marschall Gramont
Truppesterki
15-16.000 Manne 29 Gschütz[1]	6.000 Franzose 5.000 Weimarer 6.000 Hesse 27 Gschütz
Ziitdafele zum Driissigjöhrige Chrieg

D Schlacht bi Alerheim isch eini vo de wichdigste Schlachte vom Driissigjöhrige Chrieg gsi, und het am 3. August 1645 in und um Alerheim zwüsche der Arme vo de Franzose, Weimare und Hesse und de Truppe vom Kaiser und em Kurfürst vo Bayre stattgfunde. Si het mit emä französische-alliierte Siig gändet.

Ä baar Wuche nochdäm si d Schlacht bi Mergetheim verlore hai, hai d Franzose am 5. Mai 1645 än Armee under em Kommando om Herzog vo Anguien, em spöötere Grande Condé, vom Elsass us noch Hesse gschickt, für zum dört d Armee under em Marschall Turenne zu verstärke. Ä neue Fäldzug gege Bayre isch blant gsi. Bi Ladeburg hai sich die beide französische Armeä mit hessische Truppe under em General Geiss und de Schwede under em Fäldmarschall Königsmarck us Mähre vereinigt.

Dr Fäldmarschall Freiherr Franz vo Mercy het Bayre gegen ä Aagriff vo dere Armee müesse verdeidige und er isch mit erä kaiserlig-bayerische Armee noch Heilbronn marschiert, für zum vor de Gegner dört z si. Underdess hai sich d Schwede vo der alliierte Armee drennt. De Franzose isch s glunge, d Bayre bis an d Gränze vo Schwobe zruggzdränge.^[2] Noch emä Scharmützel in der Nöchi vo Dinkelsbüehl si beidi Armeä ins Nördlinger Ries marschiert. D Franzose mit de Hesse und Weimarer si am 3. August 1645 vor Nördlinge aacho, d Bayre und die Kaiserlige hai in und um Alerheim Stellig bezooge. Der Herzog vo Enghien het sich entschlosse, d Schlacht aaznäh, au wenn siini Generäl Bedänke gha hei.

Die bayerische Truppe hai s Dorf Alerheim heftig verdeidigt, aber de Franzose isch s glunge, es z erobere. Der kaiserlig General Werth het der recht Flügel vo de Franzose agriffe und ind d Flucht gschlage. Dr Conde und Turenne hai druf dr recht Flügel vo de Kaiserlige aagriffe und dr lingg bayerisch Flügel in d Flucht gschlage. Drmit isch dr Siig vo de Franzose besiiglet gsi.

Militärisch isch die Schlacht für Frankriich ä Pyrrhussieg gsi, wo kei Entscheidig brocht het, wil Frankriich nit in der Lag gsi isch, wiiter noch Bayrern vorzurucke. Dank däm Patt si d Friidensverhandlige intensiviert worde.

S Dorf Alerheim isch so schwer verwüestet worde, ass es 70 Johr bruucht het für zum s widr ufzbaue.

Fuessnote

1. http://digbib.bibliothek.uni-augsburg.de/5/pdf/02_IV_13_2_0026_05_0886.pdf (Site cha nüme abgrüeft wärde; Suche im Webarchiv)[1] [2] Vorlage:Toter Link/digbib.bibliothek.uni-augsburg.de Abelinus, Johann Philipp und Merian, Matthias: Theatrum Europaeum, Band V, Seite 782
2. Johann Friedrich Weng: Die Schlacht bei Nördlingen und Belagerung dieser Stadt in den Monaten August und September 1634, S. 195

Dä Artikel basiert uff ere fräie Übersetzig vum Artikel „Schlacht_bei_Alerheim“ vu de dütsche Wikipedia. E Liste vu de Autore un Versione isch do z finde.