As North American Numbering Plan (NANP; dütsch: dr nordamerikaanisch Nummerierigsblaan) bezäichnet mä e Süsteem vo dreistellige Vorwaale bzw. zäästellige Delifonnummere, wo vor allem in de USA, Kanada und vile kariibische Staate verwändet wird. Alli NANP-Staate häi die gliichi, gmäinsaami internazionaali Vorwaal +1. D Nummerierigsblaan wird vo dr North American Numbering Plan Administration (NANPA) verwaltet.[1] E Nummerierigsblaan spezifiziert s Formaat und d Strukduur vo Nummere, zum, zum Bispil, Telekommunikazioonsgebüüre, wo vo dr Distanz abhängig si, chönne berächne.
Dr Ufbau und d Strukduur
Dr Nummerierigsblaan entspricht dr Empfäälig E.164[2] vo dr International Telecommunication Union (ITU) und eso em internazionaale Standard für Nummerierigsblään. Zu den 20 Gebiet vom ITU-Länderkood mit dr Nummere 1 für iir öffentligs Delifonnetzwärk ghööre näbe de Territoorie vo de Veräinigte Staate, Kanada, Bermuda au e Hufe kariibischi Nazioone.[3] D Richtlinie E.164 schribt die Strukduur vor: D Folg vo de Ziffere isch uf maximaal 15 Ziffere beschränkt.[4]
| maximaal 15 Ziffere
|
| 1–3 Ziffere |
12–14 Ziffere
|
| ( CC ) |
NDC |
SN
|
| ( Country Code ) |
National Destination Code (optional) |
Subscriber Number
|
| ( internazionaali Delifonvorwaal ) |
opzionaali nazionaali Gebietsvorwaal |
Delifonnummere
|
| Bispil für Dütschland
|
| ( 0049 ) |
030 (für Berlin) |
max. 9-stelligi Delifonnummere vom Abonnänt
|
| Bispil für Kanada
|
| ( 001 ) |
(NPA) Area Code |
Central Office (CO – 3 Ziffere) – vierstelligi Delifonnummere vom Abonnänt
|
NANP-Zaale bestöön us zää Ziffere im Format NXX-NXX-XXXX, wo „N“ irgend e Ziffere vo 2 bis 9 cha si und „X“ alli Ziffere vo 0 bis 9. Die erste drei Ziffere wärde as Nummerierigsblaanberiich (NPA), Ortskennzaal oder Vorwaal bezäichnet. Im zwäite dreistellige Block vo Ziffere isch dr Kood
vom Central office as Prefix, won e Suffix us vier Ziffere draa aaghängt wird.[5]
| ( |
N |
X |
X |
) |
X |
X |
X |
− |
X |
X |
X |
X
|
| ( |
NPA |
) |
Präfix |
− |
Suffix
|
| ( |
Vorwahl |
) |
Teilnehmer
|
Nordamerikaanischi Vorwaale (Numbering Plan Area [NPA], area code) si immer gliich lang und bestöön us drei Ziffere. Groossi Stedt häi ursprünglig niidrigeri Ziffere überchoo, was d Vorwaale bi dr Impulswaal verckürzt het. Hützudags häi gröösseri Ort meereri Vorwaale, zum Däil au meereri für s gliiche Gebiet (overlays). Dorum cha mä anhand vo de erste Ziffere die geografischi Laag nid abschetze. Au cha mä im nordamerikaanische Nummereblaan nid underschäide zwüsche Festnetznummere und Mobilnummere, wil d Mobilfunknummere under de üüblige Vorwaale iisortiert wärde.
D Delifonnummere vo de Abonnänte het immer die gliichi Lengi vo siibe Ziffere und bestoot us eme Prefix vo drei Ziffere, wo d Vermiddligsstell aagit, und vier witere Ziffer.
Am Aafang het mä d Vorwaale und d Abonnäntenummere anhand vo dr zwäite Ziffere äidütig chönne underschäida: d Vorwaale häi doo e 0 oder 1 überchoo. Hützudags git s aber lokaali Abonnäntenummere mit 0 oder 1 (sit em Ändi vo de 1980er Joor) und au Vorwaale mit de Ziffere 2 bis 8 (sit 1995) am zwäite Blatz. Zum sä underschäide muess mä dorum anderi Methoode verwände.
S Brefix 555
S Brefix 555 bedütet ass die Delifonnummere fiktiiv isch. Das isch iigfüert worde, wil d Amerikaaner z dumm si, zum zwüsche wirklige Persoone und fiktiive z underschäide. So häi zum Bispil 1981, wo s Lied 867-5309 (Jenny) vom Tommy Tutone bobuläär gsi isch, e Hufe Lüt em Abonnänt mit dere Delifonnummere delifoniert und gfrogt, öb si mit dr Jenny chönnte reede.
Kwelle
Dr Ardikel «Nordamerikanischer Nummerierungsplan» uf dr dütsche Wikipedia
Weblingg
Fuessnoote
- ↑ NANPA. North American Numbering Plan Administration. nationalnanpa.com, abgruefen am 13. November 2016.
- ↑ E.164. The international public telecommunication numbering plan. itu.int, abgruefen am 13. November 2016.
- ↑ NANPA. North American Numbering Plan Administration – About Us. nationalnanpa.com, abgruefen am 13. November 2016.
- ↑ Structure of the international public telecommunication number according to ITU-T Recommendation E.164. In: Canadian Numbering Plan and Dialling Plan. Version 7.0. S. 4 (cnac.ca (Memento vom 5. Novämber 2013 im Internet Archive) PDF) abgrüeft am 13. November 2016.
- ↑ CNA – North American Numbering Plan. cnac.ca, abgruefen am 13. November 2016.
