Museum.BL isch dr nöi Naame vom Kantonsmuseum vo Basel-Landschaft.
Es stoot zmitzt i dr Altstadt vo Lieschtel. Das grosse Huus, wos drinn isch, isch früener s kantonale Züghuus gsi.
S Museum schaffet i de Fachberych Gschicht, Natur und Volchskund. Es wott als Forum für d Kultur mit synen Uusstelligen und andere Aktiviteete über wichtegi Sache usem Kanton informiere.
Es psunders kantonals Theema isch d Induschtry, und do het s Museum.BL e gueti Samlig zu dr Härstellig vo Sydebänder.
