Konstantin V. (Byzanz)

Konstantin V. (Byzanz)
Kaiser vom Byzantinische Riich
E Solidus mit eme Bild vom Konstantin V. und vo sim Vater Leo III.
Regierigsziit	741–775
Uf d Wält cho	718
Geburtsort	Konstantinopel
Gstorbe	14. Septämber 775
Vorgänger	Leo III.
Nochfolger	Leo IV.

Dr Konstantin V. (Κωνσταντῖνος Ε′, * 718; † 14. Septämber 775) isch dr byzantinisch Kaiser vo 741 bis zu sim Dood gsi. Er isch dr Soon und Noochfolger vom Kaiser Leo III. gsi, wo die syrischi Dünastii gründet het.

Dr Konstantin V. isch milidäärisch seer erfolgriich gsi. Ikonoduli Chroniste häi em aber dr Ruef aaghängt, ass er e gnaadeloose Bilderstürmer gsi sig und e Hufe Mönch verfolgt und umbrocht häig. Vom 9. Joorhundert aa het men en Kopronymos (ο Κοπρώνυμος, öbbe: dä mit em Naame vo Mist) gschumpfe, und no in dr Liddratuur vom 20. Joorhundert cha mä dä Übernaame finde. Die modärni Forschig hingeege gseet en as äine vo de fähigste byzantinische Herrscher, wo d Araber zruggdrängt (743-770), d Bulgare (756-775) und d Slawe ( 759-765) gschlaage und d Gränze vom Riich stabilisiert het.^[1] Es gseet us, ass er käi herte Ikonoklastiker gsi sig. Er het die politischi ikonoduli Opposizioon, won en grad noch siner Droonbestiigig gstürzt het, bekämpft und in dr Religionsbolitik dr Aberglaube. Er het Reforme gmacht in dr Armee und dr Verwaltig und sich au um theologischi Frooge kümmeret. In dr Bevölkerig isch dr Kaiser woorschiinlig eender beliebt gsi, aber vor allem in der Armee het er hoochs Aasee gnosse.

Liddratuur

• Leslie Brubaker: Inventing Byzantine Iconoclasm. Bristol Classical Press, London 2012.
• Leslie Brubaker, John F. Haldon: Byzantium in the Iconoclast era. c. 680–850. A History. Cambridge University Press, Cambridge u. a. 2011, ISBN 978-0-521-43093-7.
• Judith Herrin: The Formation of Christendom. Princeton University Press, Princeton 1987.
• Ilse Rochow: Kaiser Konstantin V. (741–775). Materialien zu seinem Leben und Nachleben. Mit einem prosopographischen Anhang von Claudia Ludwig, Ilse Rochow und Ralph-Johannes Lilie. Lang, Frankfurt am Main u. a. 1994 (Berliner Byzantinistische Studien 1).

Weblingg

 Commons: Konstantin V. – Sammlig vo Multimediadateie

• Shaun Tougher: Fachwüsseschaftligi Churzbiografii uf Änglisch us De Imperatoribus Romanis (inkl. Liddratuuraagoobe).

Fuessnoote

1. Ilse Rochow: Kaiser Konstantin V. (741–775). Materialien zu seinem Leben und Nachleben. Mit einem prosopographischen Anhang von Claudia Ludwig, Ilse Rochow und Ralph-Johannes Lilie. Frankfurt am Main u. a. 1994, vgl. Zämmefassig S. 1f. und S. 173.

Vorgänger Leo III.

Kaiser vo Byzanz 741–775

Nochfolger Leo IV.

Normdate: GND: 119178265 | LCCN: nr95010671 | SUDOC/IdRef: 029809827 | VIAF: 298155661

Dä Artikel basiert uff ere fräie Übersetzig vum Artikel „Konstantin_V._(Byzanz)“ vu de dütsche Wikipedia. E Liste vu de Autore un Versione isch do z finde.