Dr Joseph Julius Schüler, alem. Schieler Sepp Juli (* 7. April 1850 z Ebrige; † 19. September 1914 au dert) isch e Räbbür, Ebriger Vogt un Mitglid vum Ditsche Riichsdag wie au vum Badische Landdag gsi.
Läbe
Dr Schieler Juli isch z Ebrige uf d Volksschuel gange un het vu 1871 bis 1874 bi dr rittende Batterie im 1. Badische Feld-Artillerie-Regiment Nr. 14 dient. Vu anno 1892 bis zue sinem Rucktritt anno 1904 isch er Dorfvogt (Burgemeischter) vu Ebrige gsi. Vu 1904 bis zue sinem Dot isch er no Präsi vum badische Büreverein gsi.
Dr Schieler Juli isch vum November 1891 bis 1913 Mitglid vum Badische Landdag gsi. Fier dr Wahlchreis Bade 5 (Offeburg, Kehl) un die Ditsch Zentrumspartei isch er au vu 1900 bis 1912 Abgordneter im Ditsche Riichsdag gsi. Dert isch er Mitglid vu dr Wigsetzkommission un vu dr Zolltarifkommission gsi.
Er isch zuedem Träger vu dr Chriegsdenkmünze vu Stahl fier Kombattante, vu dr Erinnerigsmedaille un vum Orde vum Zähringer Laie gsi.
Si Ruefnamme isch sällewäg Juli un nit Sepp gsi, wil e drissg Johr äldere Bür us Dalhüse scho as Schieler Sepp bekannt gsi isch un mer sällem si Sippschaft as Schieler-Seppe bezeichnet het.
Weblink
![]()
|
Dä Artikel basiert uff ere fräie Übersetzig vum Artikel „Julius_Schüler“ vu de dütsche Wikipedia. E Liste vu de Autore un Versione isch do z finde.
|
